新世代 Windows 7 可以 download 試用，當然要試o下喇，只要有 MSN acount 登記之後就有 key 比埋你，鍾意 32-bit /64-bit 任君選擇....

將 iso 燒到 DVD 到，全自動安裝十分之方便，半個鍾到就裝好，快！之後就 update 埋佢，就晒各國語言 patch 比大家 update，真係強。試用版用到 2010 年三月會兩個鐘頭自動熄機！？之後到六月就會正式收檔....。

其實電腦硬件早幾年大家已經 ready，64 bit 系統係人都想要，不過唔大路同對 32 bit 程式可能唔夾....，所以要普及都重有好一段時間，自己第一時間就試o下個 Sony Vegas Pro 9 64-bit 版，一 ckick 去"我的文件"就.... Hang (多次)！？32-bit 程式亦有多隻"無反應"，必備o既九方輸入法亦唔例外....，死得，無o左一半功力。

多媒體方面，Real Player 同 Quick Time 都運作正常，隻 Crysis 都 run 到，而 Windows 7 係註明行 Direct X 11 o既，不過就無o野可以發揮到佢o既威力。總括講，個 Aero 介面真係好靚 (當然要有張 3D 咭喇)，又易上手，運行速度好，不過之後都係轉番 XP....。