有用開 Sanyo Xacti 機仔系列o既朋友相信都會比佢o既"方便感"所吸引，需然質素一定比唔上大機，不過行山、出街、撘車.... 乜都得，幾年前自己部第一代 1280 x 720 o既 HD1 遲遲都未退役原因 HD1000 等 Full HD 系列因為個鏡頭大 (大光圈)，加上一向槍形設計就另到部機機身好大咁，破壞o左一向o既"方便"感覺，但到今次呢部 FH1，採用一般大機咁橫放形式就可以保持到"方便"，而性能亦同上一代 HD2000 一樣，水貨價錢 Sanyo 機仔一向同行貨比平好多，今次可以用三仟頭成交，就真係保持住 Sanyo 一向o既吸引力喇！！....

FH1 機身簡潔，今次唔洗用機座，全部插頭上晒機身度，真係一大進步，重可以保持到咁細！而操控同以前o既一樣，無乜大分別，錄 MPEG4/H.264，比起我部 HD1 齋 MPEG4 (最後一部 model) 當然係好事喇！FIle size 可以細o的o的。

一上手就真係感覺唔錯，方便！而呢部機同 HD2000 一樣，最大賣點就係可以錄 1920 x 1080 o既 60p 片！係 60P 最頂級o既規格，比起我部 Canon 大機重強，不過，機仔始終都係機仔，用開 Xacti 系列o既朋友相信都知佢同大機真係重有一段距離，不過機仔o黎講就真係無o野好講，重有，Sanyo Xacti 一向作風，無光學防手振，所以先有咁o既機價呢，重有最有趣o既，佢可以影 448 x 336 240fps o既片，真係 slow motion 喎！重有係 192 x 108 600fps o既！？不過呢個解象度就真係唔掂，幾玩o野咁喇。